كسكس بالتفاية بمذاق رائع جدا 👌

المقادير والطريقة:

التفويرة الاولى : نص كيلو كسکس + م ك زيت + ملح + كاس كبير من الماء ونبسبس باليد ونخليه ينشف ونرجعو ونخليه يتبخر 10 دقايق اواكثر من مور ما طلع التفويرة

التفويرة الثانية : نحلو بكاس الما كبير ونخليه ينشف ونرجعو يتبخر 10 دقایق من مور التبخيرة

التفويرة الثالثة :

نحلو بكاس عنبة الما و الملح + ابزار + زيت العود ونخليه

ينشف ونرجعو للنار ونخليه 10 دقايق من مور التفويرة ناخد الدجاجة نشرملوها + م ص السمن + م ص سكينجبير + راس ملعقة ابزار + شوية خرقوم بلدي + زعفران حر + عطرية الدجاج او حبة قرنفل و شوية بسيبيسة و الهيل + نص كاس الما + 1 ثوم + 2 عود قرفة + الملح وندهن

الدجاج مزياان من بعد ما تقبتو ونخليه مشرمل نص ساعة وندير في الطنجرة و نخليه يتقلى حتى ينشف ونضيف بصلة كبيرة محكوكة ونخليه يتقلى مع الزيت تقريبا نص كاس +م ص السمن ونخليه يتشحر + الربيع

مقبط + نص م ص سكينجبير + ربع م ص ابزار + شوية الخرقوم و زعفران حر + شوية عطرية الدجاج + الما ايطرو ونص + اللوز يتصلق و يتنقى وينشف ونضيفو حفنة تقريبا + 2 تمرات بلا عظم ونخلي الدجاج يطيب مللي

يغلى الما 10 دقایق نضيف 2 حبات مسكة حرة مدقوقين نوجد التفاية :

2 كيلو بصلة بيضاء شرائح ونديرها مع ربع كاس زيت + م ص السمن + م ص الزبدة + عود قرفة + شوية عطرة الدجاج + ملح + 2 تمرات مقطعين

رقاق ونغطيهال ونخليها تشحر 10 دقايق على نار مهيلة وناخد مغرفة من المرق

من بعد ما على مزيآان تقريبا نص كاس + الزبيب يكون مرقد مسبقا نص ساعة في الماء طايب ونخليها طيب حتى تنشف من الما ديالها تقريبا ساعة او اكثر ونعري الطنجرة ونخليها تنشف ونضيف في الاخير 6 او 8 م ك

سنيدة او العسل + م ص قرفة ونخليها تعلك بدون

غطاء حتى تنشف و تعلك ونطفي البوطة ونضيف رابعة اللوز مصلوق و منقي وناشف ومقلي ومهرش رقيق نقدم الدجاج مع التفاية و البرقوق معسل او أي فاكهة جافة أخرى معمرة و معسلة بالصحة والعافية.