بيف استروجانوف و رز مبهر

 

( بيف استروجانوف و رز مبهر ) 

مكونات بيف استروجانوف :

 نص كيلو استيك

ربع كيلو مشروم فريش

بصله متوسطه مفرومه

فصين توم مفروم

كوب شوربة لحمه

نص كوب كريمه

معلقه كبيره دقيق

٢ معلقه كبيره ساور كريم

معلقه صغيره مسترده

معلقه صغيره ورشيستر شاير صوص

ملح وفلفل

زبده زيت

الطريقه :

أول حاجه هنقطع الاستيك لشرايح زي الشاورما و ننزله في طاسه سخنه على النار فيها زبده و نقلبه مع رشة ملح وفلفل و لما يتحمر نطلعه على طبق و ننزل البصل و ممكن نزود زبده لو احتاجنا و نقلب لما البصل لونه يغير و نضيف المشروم و نقلبه مع البصل لحد ما يتكرملو و نضيف التوم أثناء التقليب و بعدين نضيف معلقة الدقيق و نقلبها كويس مع المكونات و ننزل بالشوربه مع التقليب و بعدين ننزل الكريمه و المسترده و الورشيستر و نقلب نرجع الستيك تاني يكمل تسويه و ياخد من طعم الصوص و آخر حاجه هنضيف الساور كريم و تكون بحرارة المطبخ عشان متكلكعش و نقلب و لما نتأكد من تسوية اللحمه نطفي و نقدمها بالهنا.

ملحوظه :

بديل الساور كريم زبادي . 

بديل الورشيستر صويا صوص .

بديل كوب الشوربه كوب ميه و مكعب مرقه .

الرز المبهر :

كوب رز بسمتي مغسول و متصفي

٢ كوب ميه أو شوربه

مكعب مرقه

ورق لورا

حبهان

عود قرفه

لومي

ملح وفلفل

زيت

الطريقه  :

في حله على النار هنحط الزيت يسخن و ننزل كل التوابل و مكعب المرقه و لما ريحة التوابل تظهر هننزل الرز و نقلب لمدة دقيقتين و نضيف الميه و الملح والفلفل و نغطي و نسيبه في الأول على نار عاليه و في نص التسويه هنهدي الحراره و نسيبه يكمل تسويه على نار هاديه و نقدمه بالهنا.